టీటీడీ కీలక నిర్ణయం.. ధర్నాలపై 6 నెలల పాటు నిషేధం!

తిరుమల తిరుపతి దేవస్థానం(టీటీడీ) చైర్మన్ గా బాధ్యతలు చేపట్టిన వైవీ సుబ్బారెడ్డి పలు కీలక నిర్ణయాలు తీసుకుంటున్నారు. తొలుత వీఐపీ బ్రేక్ దర్శనాలను రద్దుచేసిన టీటీడీ చైర్మన్, 2009కి ముందున్న పాత పద్ధతిని పునరుద్ధరించారు. ఈ వీఐపీ దర్శనాల కోటాను సామాన్యులకు కేటాయించాలని టీటీడీ యోచిస్తోంది.

ఈ క్రమంలోనే మరిన్ని సంస్కరణలు చేపట్టేందుకు వీలుగా టీటీడీ చైర్మన్ కీలక నిర్ణయం తీసుకున్నారు. తిరుమల తిరుపతి దేవస్థానం పరిధిలో రాబోయే 6 నెలల పాటు ధర్నాలపై నిషేధం విధించారు. 1971 చట్టం మేరకు ఈ ఆదేశాలు జారీ అయ్యాయి. ఏపీ ప్రభుత్వ ప్రత్యేక ప్రధాన కార్యదర్శి మన్మోహన్ సింగ్ ఈ ఉత్తర్వులను జారీచేశారు.